Pas humbjes shokuese në shtëpi nga Hapoel Beer Sheva, Interi është mposhtur sërish. Kësaj radhe si mysafirë i Sparta Pragës, ndeshje kjo që përfundoi 3:1
Interi i Frank de Boer ka vazhduar me rezultate negative në Europa League. Skuadra italiane ka pësuar humbjen e dytë në po kaq ndeshje, duke u mposhtur nga Sparta Pragës me rezultat 3:1, përcjell Gazeta Express.
Interi e nisi keq ndeshjen duke pësuar dy gola për 25 minuta. Vaclav Kadlec ishte golashënuesi për vendasit.
Në pjesën e dytë, në minutë e 71’të, Rodrigo Palacio i dha shpresa skuadrës së De Boer për një rezultat pozitiv duke shënuar për 2:1, por këtë shpresa i shoi mbrojtësi Andrea Ranocchia që u ndëshkua me karton të kuq dhe më pas ra edhe goli i tretë për vendasit.
Kjo është humbja e dytë e Interit në po kaq ndeshje, dhe gjendet e fundit në renditje në Grupin K.