Dhjetë ditë pas tërheqjes se projektligjit për demarkacionin, Qeveria e Kosovës e udhëhequr nga Isa Mustafa ka vendosur të ndryshojë qasjen e saj për çështjen e demarkacionit.
Në Qeverinë e Kosovës thonë se në asnjë variant ekzekutivi nuk do të merr pozitën e të qenit e relaksuar dhe aq më pak nuk do të sillet në mënyre arrogantë e të thotë se e kanë kryer punën siç duhet, ndonëse siç shprehen qeveritarët e kanë përkrahjen e fuqive më të mëdha perëndimore për ratifikimin e versionit aktual të demarkacionit.
Faton Abdullahu, këshilltar politik i kryeministrit Mustafa ka thënë se procedimit të kësaj marrëveshje në Kuvend do t’i paraprijë një debat shterues dhe argumentues me akterë të ndryshëm përkitazi më këtë marrëveshje.