Pep Guardiola ka deklaruar se ka raporte të mira kolegiale me Jose Mourinhon.
Këta dy trajnerë për herë të parë do të vihen përballë në Premierligë, në përplasjen e skuadrave të Mançesterit.
Guardiola në konferencën e fundit për shtyp para kësaj ndeshje, ka qetësuar gjakrat duke thënë se nëse Mourinhon e fton për një gotë verë, ai do ta pranojë.
“Në nivel sportiv kam treguar shumë herë se kam respekt për të. Unë gjithmonë përpiqem të mësoj nga kolegët e mi, dhe rivaliteti me të më shumë është çështje e medieve”, ka deklaruar Guardiola.
“Jam takuar me të në kongresin e UEFA-s, kemi folur, nëse ai më fton për një gotë verë, natyrisht se do ta pranoj”.