Britania planifikon të ndërtojë një mur gati katër metërsh në Calais që t’i pamundësojë refugjatëve ta kalojnë kanalin, ka njoftuar Qeveria.
“Njerëzit ende po e bëjnë këtë, ne i kemi bërë pengesat por tani do të ndërtojmë edhe një mur”, tha ministri i imigracionit Robert Goodwill.
Muri 4 metërsh i lartë do të shtrihet për një kilometër përgjatë rrugës së dyfishtë që i afrohet portit.
Ai është dizajnuar që t’i ndalojë refugjatët të ngjiten për kamiona apo automjete tjera për një përpjekje për të hyrë në Britani.