Sërish në Kuvend shfaqet një përplasje mes deputetit të Lëvizjes së Vetëvendosje, Fisnik Ismaili, dhe kryetarit të Kuvendit të Kosovës, Kadri Veseli.
Pas fjalimit të ish-shefit të Grupit Parlamentar, Adem Grabovcit, lidhur me përgjimet telefonike, ishin deputetët e VV-së që reaguan. Përplasja ndodhi në momentin kur Grabovci kërkoi falje për fyerjet që i ka bërë gjatë përgjimeve.
Në atë moment, ishte deputeti Ismaili i cili kërkoi që Grabvci të shkojë në burg. Ndërsa reagimi i kryeparlamentarit Veseli, ishte duke e quajtur deputetin Ismaili “Skenderbeg” dhe duke i thënë që të “mos nxehet”. Ndërsa përplasja me fjalë u ndërpre kur Ismaili i kërkoi Veselit që t’i drejtohet në emër e mbiemër.