Deputeti i Kuvendit të Kosovës nga Lidhja Demokratike e Kosovës, Nuredin Ibishi ka thënë se komisioni shtetëror për demarkimin e kufirit me Malin e Zi, e ka caktuar gabim vijën kufitare.
Ibishi, që ishte pjesëtar i UÇK-së, në një intervistë për Indeksonline ka thënë se 4 kilometra kufiri është vendosur në territor të Kosovës.
Ai po ashtu ka folur edhe për kohën sa ka qenë nënpunës në ish-jugosllavi, pasi u akuzua nga bashkëluftëtarët që i ka shërbyer regjimit të Serbisë.
Ish komandanti i UÇK-së ka thënë se ka qëndruar një vit në burg në kohën e ish-Jugosllavisë, pasi nuk është pajtuar me sistemin e regjimit.
Ibishi iu ka përgjigjur bashkëluftëtarëve që e akuzuan se ka punuar për Serbinë dhe është dekoruar.
Ai ka thënë se askujt nuk i jep llogari për punën e tij.
Ai ka thënë se nuk i kupton deklaratën e shoqatës së invalidëve të luftës, duke shtuar se nuk pret të falet nga askush dhe nuk i ka falur askujt gjë.
Ibishi ka thënë se i është bashkangjitur luftës atëherë kur është dashur, duke dhënë kontribut.
Deputeti i LDK-së, ka folur edhe për hedhjen e bombave në Kuvend dhe në RTK.