Ja pse polici goditi me grushte shoferin në Shëngjin (Video)

Dhuna e një polici rrugor ditën e djeshme në Shëngjin të Lezhës, ndaj një personi që udhëtonte me familjen, ka ardhur si shkak i parakalimit të gabuar të shoferit, sipas videos së plotë të publikuar sot nga portali “Jeta Osh Qef”.

Drejtuesi i mjetit ka tentuar të kryejë në parakalim të gabuar në sy të policit rrugor. Ky i fundit i ka bërë shenjë që të ndalojë, por ai jo vetëm që nuk ka ndaluar, por edhe e ka shkelur me makinë në këmbë.

Pas kësaj, Policia e ka nxjerr jashtë drejtuesin dhe ka tentuar ta arrestojë, por ai përsëri ka kundërshtuar me forcë, shkruan portali.

Në videon e plotë, dallohen momentet se si polici rrihet dhe dhunohet nga drejtuesi i mjetit dhe një tjetër. Ndërsa ne pjesën e dytë të videos së publikuar mbrëmë, duket vetëm polici i cili qëllon dhe shtrin në tokë drejtuesin e makinës.

Temat
LajmeRajon

Të afërta