Përderisa te sirianët kjo përqindje është 96%, te shqiptarët vetëm 0.02%! Dhe kur pjesëtohet numri prej 53805 azilkërkuesish, na del shifra prej vetëm 7 personave që kanë fituar azilin
Gjatë vitit 2015 në Gjermani ishin regjistruar 441899 kërkesa për azil, njofton Zyra Federale për Migracion dhe Refugjatë (Bamf). Numri më i madh i azilkërkuesve kanë ardhur nga Siria, plot 168567. Ndërsa në vendi e dytë të listës kanë qenë shtetasit e Shqipërisë me 53805 kërkesa, shkruan nordwestzeitung.de.
Është interesante pastaj radhitja për nga përqindja e njohjes së kërkesave për azil të këtyre dy vendeve, vëren albinfo.ch. Kështu, përderisa te sirianët kjo përqindje është 96%, te shqiptarët vetëm 0.02%! Dhe nga kjo, nëse e pjesëtojmë shifrën prej 53805 azilkërkuesish, na del shifra prej vetëm 7 personave që kanë fituar azilin!
Qytetarët e Shqipërisë ashtu si dhe ata të shteteve tjera të Ballkanit, që në fillim kanë qenë pothuajse pa gjasa për të fituar azilin. Mirëpo me shpalljen e Shqipërisë dhe vendeve tjera të Ballkanit Perëndimor në tetor të vitit 2015 si “shtete të sigurta të prejardhjes”, këto gjasa u zhdukën pothuajse në tërësi, përcjell albinfo.ch gazetën gjermane. /Albinfo.ch
