Arsenal Kosovo Supporters Club, tifozët kosovarë të klubit anglez, nëpërmjet një letre i kanë kërkuar Granit Xhakës që të luajë për përfaqësuesen e Kosovës, përcjell Gazeta Express.
Në këto momente kur përfaqësuesja e Kosovës në futboll është duke u konsoliduar, në bazë të traditës së fansave të ekipeve në tërë Botën, edhe fansat zyrtarë të Arsenalit në Kosovë dëshirojnë që të bëjnë një lutje për yllin tonë në skuadrën e Arsenalit, Granit Xhaka.
Futbolli kosovarë ka kaluar në shumë sfida. 30 vite kemi jetuar të izoluar. E kemi mbajtur gjallë këtë sport në kushtet më të vështira atmosferike. Kemi ëndërruar që 30 vite të luajmë për shtetin tonë.
Nuk ja kemi dalë sepse kemi qenë të okupuar.
Ndërkohë ato gjenerata të vjetra janë larguar për jashtë vendit dhe fëmijët e tyre i kanë frymëzuar për t’u marrë me këtë sport. Është meritë e prindërve të tyre sepse ata kanë punuar që të nxjerrin talentin e tyre nga djemtë e tyre në këtë sport që është më i popullarizuari në Botë.
Nëse nuk je talent nuk mundet të zhvillojë as Zvicra dhe asnjë shtet në Botë. Atë ua ka falur Zoti, e meritën më të madhe për këtë e kanë familja dhe askush tjetër.
Granitin e kemi pritur me zemër të madhe në Kosovë, si fansa të Arsenalit. E kemi përcjell në çdo vend. E kemi ruajtur edhe nga mediat vetëm dhe vetëm që ai të ndihet i lirë në vendin e tij. Disa kemi, në mos të gjithë, kemi derdhur lot gëzimi kur është transferuar tek ne Tani, ashtu sikurse u gëzuam pa masë kur hyri në fushë për të luajtur kundër Liverpool të shtunën, duam që të njëjtat emocione të na sjellësh edhe për Kombëtaren tonë.
Nuk do të jemi vetëm ne krenar për ty, do të jenë të gjithë shqiptaret anë e mbanë botës.
Granit, e ke shansen të jesh idol i krejt Kosovës, një hero i gjallë. Ndoshta nuk do të fitosh të mira materiale, sa me Kombëtaren e Zvicrës, por ajo që do të fitosh do të jenë zemrat tona.
Granit, thuaj PO KOSOVËS.
Bëje krenar vendin dhe popullin tënd.
Me respekt kryesia e klubit të fansave zyrtarë të Arsenalit në Kosovë.
