Një aksident ka ndodhur në orët e para të mëngjesit të sotëm në Velipojë ku një automjet ka rënë në kanalin e Hidrovorit.
Mësohet se janë 4 shtetas që kanë humbur jetën, dy italianë. Mësohet se në automjetin BMW me targa AA 767 HF kanë qenë tre meshkuj dhe një femër.
Nga informacionet e para mësohet se në këtë zonë për shkak të mungesës së sinjalistikës, janë shkaktuar edhe viktima të tjera.
Grupi hetimor ndodhet në vendngjarje për të sqaruar rrethanat e këtij aksidenti të rëndë.