Diego Costa dëshiron që të rikthehet te Atletico Madridi, por klubi spanjoll është në bisedime të avancuara me Kevin Gameiron.
Duke i parë bisedimet e avancuara mes Atleticos dhe Sevillas për Kevin Gameiron, Diego Costa e ka telefonuar Diego Simeonen, për t’i kërkuar që ta pres dhe të mos e transferojë sulmuesin francez.
Atletico tashmë e ka bërë një ofertë prej 60 milionë eurosh për reprezentuesin spanjoll, por Chelsea as që ka dashur të dëgjojë.
Rikthimi i Costas në “Vincente Calderon” varet nga operacioni i Chelseas për Lukakun. Një kalim i sulmuesit belg në “Stamford Bridge”, do t’i hapte rrugë negociatave për largimin e Costas.