Qytetarët perëndimor deri sot janë rrezikuar nga sulmet terroriste, ndërkaq nga sot ata janë të rrezikuar që të kapen si pengje nga terroristët.
Lideri i Al Kaidës Aiman al-Zavahiri është lajmëruar në një xhirim ku fton luftëtarët e kësaj organizate që të marrin perëndimorët si pengje dhe t’i këmbejnë me xhihadistët e burgosur.
Këtë e ka bërë të ditur grupi SITE, transmeton Reuters.
Në xhirimin që është publikuar në internet Al-Zavahiri rrjetën e ekstremistëve që të kidnapojnë perëndimorët “të gjithë derisa nuk lirohet edhe myslimani i fundit i burgosur dhe myslimanja e fundit e burgosur në burgjet e të krishterëve dhe nga armiqtë e islamit”, bën të ditur SITE.
Agjencia Reuters bën të ditur se nuk ka mundur të vërtetojë autenticitetin e këtij xhirimi.
Besohet se Zavahiri fshihet në pjesën kufitare në mes Afganistanit dhe Pakistanit ku gjendet edhe baza e talebanëve.
