19:49, 24 Korrik 2016 585 Shpërndarje
Mediat serbe kanë shkruar se Serbia do të përfundojë bisedimet me Bashkimin Evropian, në kohën që presidencën e BE-së do ta marrë Kroacia.
“Brenda disa ditësh, do ta kemi të qartë që nëse për shkak të ‘Brexit’ do të ketë orar tjetër të kryesimit të BE-së , që do të thotë se Kroacia do të mund ta marrë më herët kryesimin e Bashkimit Evropian. Pikërisht në atë kohë presim fundin e bisedimeve me Serbinë”, ka thënë një diplomat i paidentifikuar për “Novosti”-n e Beogradit.
Përpara Kroacisë, e cila presidencën e merr më 1 janar 2020, BE-në do ta kryesojë Rumania dhe Finlanda. Pikërisht në vitin 2020, shënohet fundi i negociatave me Serbinë. Megjithatë, diplomati ka theksuar se “kur bëhet fjalë për BE-në, rreth datave duhet pasur shumë kujdes”.
