Izeti: Dëmi ndaj Turqisë dëmton identitetin dhe ekzistencën tonë

Ligjëruesi universitar në Departamentin e Filozofisë së Arteve në Fakultetin e Arteve të Bukura pranë Universiteti Shtetëror të Tetovës (USHT), Prof. Dr. Metin Izeti, në një deklaratë për gazetarin e AA-së ka folur në lidhje me tentativën për grusht shteti nga ushtria e Turqisë ndaj udhëheqësisë së shtetit turk.

“Më e rrezikshmja prej këtyre është tentimi i FETO-s në aspektin fetar për t’i shuar strukturat tona fetare institucionale në mënyrë ilegale. Meqë FETO është një lëvizje e cila e ka dëmtuar TSK-në, atëherë tentativë e saj është një nga më të rrezikshmet”, tha profesori universitar në USHT. Ai ka shtuar më tej se përgjatë historisë FETO është lëvizje e cila ndërmerr tentativa në faza të ndryshme prej 20-30 vitesh, por kohëve të fundit është shndërruar në një mendësi e cila është e gatshme ta vrasë popullin e vet përmes një lufte fizike. tha Izeti.

“Mund të mos e duam presidentin Recep Tayyip Erdoğan, por ai është demokrat dhe president që e ka zgjedhur shumica dhe në këtë mënyrë, çdo njeri me mendime bashkëkohore duhet ta respektojë atë”, u shpreh Izeti.

Sipas tij, “Ata që ndërmorën këtë tentativë dhe mbështetësit e tyre nuk kanë të drejtë të flasin për demokracinë, të drejtat e njeriut dhe modernizmin”. Ai më tej shtoi se Erdoğan nuk konsiderohet vetëm si president i Turqisë, por edhe si “zëri” i muslimanëve dhe i të shtypurve në tërë botën.

“Nëse dëshirojmë ta shpërndajmë fenë, të bëhemi gjykatës, të bëjmë politikë, apo të zhvillojmë çfarëdo aktiviteti tjetër, këto asnjëherë nuk duhet të jenë në mënyrë ilegale”, tha Izeti.

Temat
LajmeRajon

Të afërta