Shpesh jemi dëshmitarë të ndarjeve skandaloze të yjeve tanë të preferuar. Në ato momente ata bëjnë gjëra të ndryshme dhe thonë budallallëqe të ndryshme, por më vonë e kanë pyetur veten pse e kanë bërë një gjë të tillë. Shumë prej tyre janë penduar sinqerisht dhe kanë bërë gjithçka që ishte e mundur që të përmirësojnë gabimin e tyre. Shumë vajzave u ndodh që kurrë të mos e takojnë mashkullin e tyre të përkryer. Rita Ora nuk është njëra prej këtyre vajzave, por ajo mashkullin e saj ideal e ka takuar në moment të gabuar.
Gjatë një interviste ajo e ka pranuar se Calvin Harris ishte mashkulli i ëndrrave të saj, por nuk ka pasur mundësi që të jenë bashkë. “Unë jam nisur në turne, ndërsa ai ishte tepër i zënë me obligimet e tij”, ka deklaruar Rita, pasi më herët e kishte ofenduar me fjalë të rënda ish të dashurin e saj. Taylor Swift shumë këngë të saj hite i ka realizuar duke u bazuar në të dashurit e saj të famshëm, të cilët e kanë trajtuar keq. Mirëpo, vetëm një aktori i ka kushtuar një këngë në të cilën ajo i ka kërkuar falje. Bëhej fjalë për Taylor Lautner, të cilit ia ka kushtuar këngën “Back To December”. Zac Efron dhe Vanessa Hudgens për një kohë të gjatë ishin si çifti më i ëmbël i Hollivudit.
Mirëpo, për shkak të sjelljes problematike të të dashurit të saj, daljes në ahengje të shpeshta, që kishin çuar në varësinë e tij ndaj alkoolit dhe drogës, Zac e kishte humbur dashurinë e tij e madhe. Ai këtë vetëm së fundmi e ka pranuar, duke deklaruar se ky ishte gabimi më i madh i jetës së tij. Të gjithë ata që i njohin pohojnë se dashuria mes Lamar Odom dhe Khloe Kardashian ishte diçka më e mrekullueshmja që kishin parë ndonjëherë. Vetë Lamar kohë më parë ka deklaruar se periudha e jetës të cilën ai e ka kaluar me bukuroshen, ishte më e bukura në jetën e tij. Mirëpo, edhe përkundër asaj se kishte shkuar në rehabilitim për shkak të varësisë ndaj drogës dhe alkoolit nuk ka arritur ta kthejë të dashurën e tij.
