Një automjet me targa të Maqedonisë është përfshirë nga flakët mbrëmjen e sotme në autostradën Tiranë-Durrës.
Mësohet se ngjarja ndodhi përballë një qendre tregtare dhe makina e tipit “Land Rover” ishte në pronësi të shtetasit me inicialet R.I.
Zjarri shkaktoi dëme materiale, ndërsa fatmirësisht nuk raportohet asnjë person i lënduar.
Nga hetimet paraprake dyshohet se shkak i zjarrit ka qenë një shkëndijë elektrike, sidoqoftë vijojnë hetimet për ngjarjen në fjalë.