Një aksident ka ndodhur pak minuta më parë në Durrës.
Mësohet se nga aksidenti ka humbur jetën 53 vjeçarja me inicialet D.D. dhe ka mbetur e plagosur një tjetër këmbësor, shtetasi A.B. 49 vjeç, banues në Durrës, i cili ndodhet në gjëndje të rëndë shëndetësore në Spitalin Ushtarak Tiranë. Automjeti tip Benz drejtohej nga Klejvi Maliqi 25 vjeç. Aksidenti ka ndodhur në rrugën “Aleksandër Goga”.
Policia informon: “Aksidenti shënua rreth orës 02:10 në rrugën”Aleksandër Goga”lagja Nr. 6 Durrës. Klejvi Maliqi duke drejtuar automjetin tip Benz me targa AA 224 BD, ka aksidentuar dy këmbësorë(një i seksit femër dhe një i seksit mashkull) Pas bërjes së testit të alkoolit drejtuesit të mjetit ka rezultuar se ka konsumuar alkool në masën 0.45 mg/liter”
Materialet I kaluan Prokurorisë së Rrethit Gjyqësor Durrës për veprime të mëtejshme për veprat penale”Shkelja e rregullave të qarkullimit rrugor “dhe” Drejtimi i automjeteve në mënyrë të parregullt”parashikuar në nenet 290/2 dhe 291 të Kodit Penal.