Ende nuk dihet se kur do të fillojë gjykimi për rastin e vogëlushit katër vjeçar Almir Aliu, i cili u godit për vdekje me makinë muajin e kaluar, nga shtetasi Boban Iliq.
Familjarët presin që sa më shpejt të nisë procesi gjyqësor dhe paralajmërojnë se javën e ardhshme do të angazhojnë edhe avokatin, njofton Alsat.
Babai i Almirit, Sedati, edhe njëherë ka kërkuar drejtësi për rastin.
“Procesi gjyqësor ende nuk ka filluar, jemi në konsultime me disa avokatë, presim javën e ardhshme ta zgjedhim avokatin, dhe sa më shpejt të fillojë procesi gjyqësor. Besojmë në organet e drejtësisë dhe presim që e drejta të del në shesh dhe organet e drejtësisë ta dënojnë kriminelin me dënimin e merituar”, tha Sedat Aliu, babi i të ndjerit Almir Aliu.
Mësohet se prokuroria me gjasë ka ngritur 4 padi penale për dhunë, për personat e përfshirë në rrahjen e kobshme që ndodhi në afërsi të shtëpisë së shëndetit në Kumanovë, ku u shtypen me makinë tre anëtarët e familjes Aliu.
