Në Londër është fotografuar momenti kur dy burra me motoçikletë, i janë afruar viktimës dhe kanë provuar t’ia rrëmbejnë telefonin nga dora.
Por nuk ia kanë dalë t’ia marrin pajisjen dhe janë larguar duarthatë, transmeton Telegrafi.
Në anën tjetër burri që për pak u bë viktimë e grabitjes, nuk është shqetësuar aspak, por ka vazhduar të lexojë në telefon sikur asgjë të mos ketë ndodhur.
“Kur e pashë motoçikletën pa targa që lëvizte ngadalë, mendova se janë hajna dhe po duan të bëjnë diçka të keqe”, ka thënë dëshmitari, i cili i ka bërë fotografitë.
Policia është duke e hetuar rastin, dhe është vënë në kërkim të keqbërësve, ndërsa paralajmëron për kujdes të shtuar sa i përket përdorimit të telefoni gjatë ecjes.
