Ikona e Romës dhe futbollit italian, Francesco Totti do ta bartë për herë të fundit fanellën e ‘Giallorosëve’, këtë edicion.
Pasi iu vazhdua kontrata edhe për një stinor tjetër, Totti ka folur për vitin e tij të fundit në karrierë. Ai ka synim që ta përfundojë karrierën me një trofe të rëndësishëm pas 25 viteve qëndrim te Roma.
“Synimet e Romës gjithmonë janë titulli i kampionit, Kupa e Italisë dhe një garë e madhe në Ligën e Kampionëve”.
“Kemi një rival të madh në kampionat si Juventus që ka bërë shumë mirë në vitet e fundit dhe duhet të jemi mbi të këtë edicion”. “Shpresojë që ta përfundojë karrierën time me një titull të rëndësishëm me Romën”, deklaroi kapiteni legjendar i Romës.
