19:26, 7 Korrik 2016 440 Shpërndarje
Malaga ka konfirmuar arritjen e marrëveshjes me futbollistin e Barcelonës, Sandro Ramirez.
Ky i fundit ka nënshkruar me skuadrën spanjolle një kontratë tre-vjeçare.
Sandro ka lindur në Las Palmas, në ishujt Kanarie dhe nënshkroi me Barcelonën kur ishte 14-vjeçar, duke iu bashkuar akademisë së famshme të klubit, transmeton Telegrafi.
Ai debutoi në fillim të sezonit 2014-15, kur zëvendësoi Pedro Rodriguezin, ndërsa atë vit shënoi katër gola.
Kujtojmë se skuadra e cila do të udhëhiqet nga Juande Ramos, deri më tani kanë transferuar nëntë futbollistë, Keko, Michael Santos, Bakary Kone, Mikel, Villanueva, Miguel Cifuentes, Jony, Diego Llorente dhe Zdravko Kuzmanovic. /Telegrafi/
