Për shumë artistë të njohur botërorë është thënë se kanë prejardhje shqiptare.
Rita Ora, Fadil Berisha, Bebe Rexha janë disa nga yjet më të njohur shqiptarë me famë botërore.
Por ka edhe artistë që mbase nuk e dinit që janë shqiptarë. Në materialin në vijim të përgatitur nga “Express” i KTV-së do e shihni një listë prej pesë artistësh që supozohet se janë shqiptarë.
• Drita D’avanzo mund ta njihni nga emisioni i njohur amerikan për gratë e lidhura me mafia “MobWives”, po shumë njerëz nuk e dinë se ajo ka origjinë shqiptare. Bukuroshja e “Mob Wives” para famës televizive dhe martesës së saj me famëkeqin Lee D’avanzo, quhej Drita Selmani. Tani ajo është larg rrugëve të rrezikshme të mafisë, dhe merret me artin e grimit, jetë sportive, dhe paraqitje televizive.
• Artisti i ndjerë Paul Walker që me siguri e keni parë në filma aksion ndër tyre edhe “Fast & Furious”, flitej se kishte prejardhje shqiptare. Në biografinë zyrtare të tij në ueb-faqen që merret me vlerësimin e filmave, IMDB, shkruan se ai ka prejardhje shqiptare. Kjo nuk është konfirmuar nga familja e tij, por padyshim se diskutohet pa ndalur në forume amerikano-shqiptare.
• Regis Philbin është figurë televizive që ka qenë fytyra e “Who Wants To Be A Millionare” ose ‘Kush Do Të Bëhet Milioner’, emisioni më i njohur në formë kuizi me shpërblime parash. Nëse lexojmë pak për biografinë e Regis, e shohim se ai ka rrënjë arbëreshe. Regis Philbin edhe pse në moshë të vjetër, mbetet një prej udhëheqësve më të suksesshëm në Amerikë.
• Artisti Robert De’Niro që jeni mësuar ta shihni në role në filma serioze, flitet se ka prejardhje shqiptare, prej momentit që ai përmendi këtë fakt. Në një intervistë ai thotë se ka gjak italian dhe shqiptar, por nuk ka dhënë më shumë detaje mbi këtë.
• Mundësi i “WWE” që të gjithë e kanë adhuruar, John Cena, tani është aktor me famë botërore dhe ka paraqitje në filma të shumtë. Thashetheme të shumta qarkullojnë në internet se ky personalitet është shqiptar, mos të përmendin se mbiemrin “Cena” e ndan me shumë shqiptarë.