16:43, 7 Korrik 2016 602 Shpërndarje
Torino nuk shpenzoi asnjë centë për transferimin e qendërmbrojtësit të Kombëtares shqiptare, Arlind Ajeti.
Mungon vetëm njoftimi zyrtar, por Torino ka transferuar Arlind Ajetin, mbrojtësin e Kombëtares shqiptare.
Ai ishte futbollist i lirë, pas largimit nga Frosinone, skuadër me të cilën bëri 16 paraqitje dhe realizoi një gol në edicionin e kaluar në Serie A, ka bërë të ditur e përditshmja sportive italiane “Tuttosport”, përcjell “Lajmi.net”.
Ajeti ka kaluar me sukses testet mjekësore dhe në Torino vjen i freskët nga paraqitjet e mira me Shqipërinë në “Euro 2016”.
Ai do të nënshkruajë kontratë trevjeçare me opsion për vazhdim të mëtutjeshëm në klubin “Granata”.
