Kryetari i Partisë së Drejtësisë, Ferid Agani, ka vizituar sot ambasadoren e Republikës së Turqisë në Kosovë, Kivilcim Kiliç, të cilës ia përcolli ngushëllimet më të sinqerta të anëtarësisë së PD-së, për humbjen e dhjetëra qytetarëve dhe plagosjen e qindra të tjerëve nga sulmi terrorist që ndodhi në Aeroportin Ndërkombëtar të Stambollit.
Me këtë rast kryetari Agani u shënua në Librin e Zisë, duke shprehur kështu solidarizim me qeverinë dhe mbarë popullin e Turqisë në këto qaste të rënda dhe njëkohësisht u lut për shërimin e të të lënduarve.
Agani u shprehë i bindur se shteti mik i Turqisë edhe njëherë do të paraqitet si mburojë e hekurt ndaj terrorizmit ndërkombëtar, që nuk njeh komb, racë, e as fe./Telegrafi/
