Aleanca Euroatlantike ka bërë të ditur që vendimi i popullit britanik për t’u larguar nga Britania nuk do të ndikojë në raportet e Britanisë me NATO-n.
Në një njoftim për media, thuhet se ndonëse një vendim i tillë do të ndikojë në raportet e Britanisë me BE, Britania edhe më tej do të vazhdojë të mbetet aleat i fortë dhe i përkushtuar i NATO-s.
“Sot, meqë ne përballemi me një gjendje jostabile dhe të pasigurt, NATO e sheh më të rëndësishme se kurrë të funksionojë si platformë bashkëpunimi midis aleatëve evropianë dhe Amerikës së Veriut”, thuhet në njoftim.
Sipas tyre, Një NATO e fortë dhe e bashkuar mbetet shtyllë thelbësore e stabilitetit në një botë të trazuar.
“Aleanca mbetet e përkushtuar për bashkëpunim më të ngushtë me Bashkimin Evropian. Në Samitin e Varshavës në korrik, ne do të rrisim bashkëpunimin tonë, pasi që së bashku jemi më të efektshëm në ruajtjen e vlerave tona të përbashkëta duke mbajtur kombet tona të sigurta”, thuhet në njoftim.
