Ishte në javën e 22 të shtatzënisë, kur Sierra Yoder dhe bashkëshortit të saj Dustin iu thanë se fëmija i tyre kishte një defekt të rrallë në pjesën e kokës.
Duke parë shenjat, fëmija i tyre i palindur nuk do të mund të mbijetonte. Prindërve iu dha 24 orë kohë që të mendonin nëse donin të abortonin.
Ekspertët mjekësor i thanë se sëmundja e fëmijës quhej encephalocele, që do të thotë se truri i tij ishte zhvilluar jashtë kafkës.
Për pasojë ai nuk mund të jetonte.
Megjithatë, prindërit vendosën që t’i japin fëmijës çdo mundësi që ai të jetonte dhe vendosën të mos e ndërprisnin shtatzëninë, përcjell GSH.
Në mbrëmjen e asaj dite, Sierra ndjeu goditjen e fëmijës në bark dhe pas kësaj mendoi se kishte marrë vendimin e duhur.
Ajo tha: “Kur ne dëgjuam për herë të parë fjalën encephalocele, nuk ia kishim idenë se çfarë ishte. Ne thjeshtë dinim që ishte diçka që kishte të bënte me vdekjen e tij. Me atë që na thanë, ishte e pamundur që ai të mbijetonte”.
I lindur më 1 nëntor 2015, prindërit e quajtën atë Bentley. Në më të shumtën e rasteve, truri i fëmijëve formohet jashtë kafkës dhe ai ka një gungë në maj të kokës. Për pasojë, mjekët i thanë se nuk do jetonte shumë gjatë.
Pas ardhjes në jetë, fëmija bëri një ndërhyrje kirurgjikale dhe mjekët përdorën një printer 3D për të rregulluar kafkën e tij.
Deri më tani, foshnja ka pasur progresin që prindërit nuk e prisnin. Babai i vogëlushit tha se do të bëjë gjithçka që fëmija i tij të jetë mirë.
