Ylli suedez, Zlatan Ibrahimovic, pret një ndeshje ‘të tmerrshme’ kundër Italisë dhe mezi pret një takim me ta, pasi sipas tij Italia është shtëpia e tij e dytë.
Pjesa më e madhe e tifozëve kanë pritjet te ‘Ibracadabra’, si superylli i vetëm ndërkombëtar në 11-shen startuese të skandinaveve.
Por, vetëm disa orë nga fillimi i ndeshjes, Ibra është liruar pak me deklaratat e tij të fundit, duke folur me mirësi për kundërshtarët e sotëm të tij, Italinë.
“Do të jetë një ndeshje e tmerrshme për të luajtur”, shkroi Ibrahimovic në profilin e tij në Instagram.
“Italia është shtëpia ime e dytë. Ata janë një ekip shumë i mirë. Ne duhet të besojmë në veten tonë dhe të shkojmë me të gjitha forcat në lojë”, përfundoi sulmuesi suedez.