Legjenda e Brazilit, Pele ka këmbëngulur se portugezi Cristiano Ronaldo është lojtari më i mirë në botën e futbollit.
Gjatë një interviste për ‘skysports’, Pele nënvizon se nëse do ishte trajner do të preferonte Ronaldon para Messit, shkruan Syri.net.
“Për momentin Cristiano Ronaldo është lojtari më i mirë në botë. E admiroj luzitanin dhe nëse do isha trajner do ta preferoja para Leo Messit.
Por në krahun tjetër më vjen kaq që në 5 vitet e fundit nuk ka asnjë lojtar tjetër që të konkurojë Messin dhe Ronaldon.
Bale dhe Neymar janë shumë pas performancës për të qenë numri 1 në botë”, u shpreh Pele.
Kjo deklaratë lavdëruese e Peles është bërë disa orë para se Portugalia të zhvillojë ndeshjen e parë të vlefshme për Kampionatin Europian.
