Megjithëse ishte një miqësore mund të cilësohet si një ndër fitoret më të bukura të Shqipërisë pasi kuqezinjtë arritën të triumfonin 1-0 kundër Francës, ish-kampiones së botës.
‘Perla’ e Kaces ngriti në ‘qiellin e shtatë’ zemrat e gjithë tifozëve shqiptarë anembanë botës, shkruan Syri.net.
Në ndeshjen e 13 qershorit të vitit të kaluar ‘gjelat’ u mposhtën 1-0 në ‘Elbasan Arena’ megjithëse në fushë ishin ‘yjet’ që luajnë në klubet më të mëdha të botës.
Në dy miqësoret e vlefshme për grupin eleminator , ku Shqipëria dhe Franca bënë pjesë, kuqezinjtë në transfertë morën një barazim 1-1 ndërsa në Elbasan bënë një performancë historike duke e mundur kundërshtarin jo vetëm me rezultat por edhe me lojë.
Miqësoret janë një tjetër histori pasi në ‘Euro 2016’ Franca ka motivimin dhe mbështetjen më të madhe jo vetëm për të triumfuar në këtë ndeshje por edhe për të marrë trofeun më të lakmuar të Kampionatit Europian.
Gjithçka pritet të vendoset në fushën e lojës në mbrëmjen e 15 qershorit në Marsejë.
