Qeveria e Kosovës në një mbledhje urgjente ka kërkuar që t’i vazhdohet mandati EULEXI-it edhe për 2 vite, duke kërkuar që vazhdimi i mandatit të behët edhe me ratifikim në Kuvendin e Kosovës.
Shumica e ministrave, miratuan propozimin e ministrit të Drejtësisë, Hajredin Kuçit që EULEX-it të ketë mandat edhe dy vite, raporton Indeksonline.
“Arsyea kryesore është se tani jemi në ditët e fundit të mandatit të EULEX-it në Kosovës, propozojmë që ta miratojmë ligjin për vazhdimin e mandatit të EULEX-it dhe ta dërgojmë në kuvend për miratim”, ka thënë Kuçi.
Ndërsa, kryeministri i Kosovës, Isa Mustafa tha se mbledhja e Kuvendit për ratifikim të mandatit të EULEX-it për dy vite duhet të thirret para skandimit të mandatit të EULEX-it.
“Mbledhja e Kuvendit të thirret para skandimit të mandatit të EULEX-it”, tha kryeministri Mustafa.
Ndryshe, nesër në ora 00:00 i skadon mandati i EULEX-it dhe nuk mund të mbahen më seancat gjyqësore.
Po ashtu nesër Kuvendi pritet të thërret një mbledhje urgjente që pritet ratifikimi i mandatit të EULEX-it.
