Zëvendësministri i Punëve të Jashtme i Republikës së Kosovës, Valon Murtezaj po merr pjesë në punimet e lansimit të projektit, Përgjegjësia Kombëtare dhe përkrahja evropiane, në kuadër të iniciativës së integrimit të romëve 2020, që po mbahet në Bruksel.
Me këtë rast zëvendësministri Murtezaj ka folur për angazhimin e institucioneve të Republikës së Kosovës për përfshirjen e të gjitha komuniteteve në shoqëri. Ai ka bërë me dije, gjithashtu, përkushtimin e Kosovës për rrugën e integrimit në familjen evropiane, si dhe angazhimet e përgjithshme për të integruar të gjitha komunitetet. Zëvendësministri Murtezaj ka deklaruar se “Kosova është vend i përfshirjes së të gjitha komuniteteve në shoqëri, dhe jo vend i diskriminimit”.
Ky aktivitet organizohet nga Bashkimi Evropian, Këshilli i Bashkëpunimit Regjional dhe Fondacioni për Shoqëri të Hapur. Në të po marrin pjesë komisioneri për zgjerim i BE-së Johanes Hahn, filantropisti George Soros, si dhe ministra të shteteve të rajonit.
