Vret gruan sepse ajo harroi t’ia mbushte telefonin (Foto)

Samir Gabibov, një burr 34 vjeçar nga Shën Petersburgu i Rusisë, vrau nusen e tij vetëm një javë pas martesës, pasi humbi nervat, ngase ajo kishte harruar t’i fuste telefonin në rrymë për ta mbushur baterinë.

Samir i ka thënë policisë se vrasja kishte ndodhur aksidentalisht.

Ai kishte pohuar se gjatë zënkës me gruan në shtëpinë e tyre e kishte goditur aksidentalisht atë në kokë, goditje e cila edhe kishte qenë fatale, transmeton lajmi.net.

Alexander Nesvit, zëvendës-shefi i hetimeve, u ka thënë mediave, se grindja kishte filluar pasi zonja Velieva kishte harruar ta vendoste në rrymë telefonin e Gabibovit.

1-71_1465288783-237547

Ai kishte humbur durimin, pasi ajo harroi të përmbush premtimin për vendosje të telefonit në rrymë, tha prokurori pas intervistimit të Gabibov.

Ai gjithashtu zbuloi se Gabibov i ka thënë policisë se ai e mbështolli trupin e gruas së tij në qese plastike.

Ai e ftoi vëllanë e tij për ta ndihmuar që të bartnin një çantë, por pa i treguar atij se çfarë kishte brenda, duke pretenduar se gruaja e tij ishte lart duke fjetur.

Gabibov tha policisë se ai dhe vëllai i tij çantën e dërguan në fshat.

Ai më vonë u kthye i vetëm, e vendosi trupin në biçikletën e tij dhe e dërgoi në pyll ku edhe e varrosi atë.

Pas zbulimit të rastit, Gabibov bashkë me policinë mezi e kishin gjetur trupin pasi ai nuk e mbante mend saksisht se ku e kishte varrosur atë.

Por në fund ai e gjeti vendin dhe trupi i saj është dërguar për autopsi.

Policia tha se ekzaminimi mjeko-ligjor mund të marrë disa kohë pasi trupi ishte varrosur më shumë se para një muaji.

Gabibov pritet të dënohet me rreth 15 vjet burg nëse shpallet fajtor./GazetaExpress/

Temat
Fun

Të afërta