Të paktën një person ka humbur jetën dhe tre të tjerë kanë mbetur të lënduar, pasi një ndërtesë pesëkatëshe u shemb në qytetin rus Mezhdurechensk në Siberi.
Autoritetet lokale kanë bërë të ditur, se nuk ekziston ndonjë rrezik nga shembja e pjesës së mbetur të kësaj ndërtese, transmeton Telegrafi.
Tetë apartamente janë shkatërruar plotësisht, kurse agjencia e lajmeve Tass raporton se 15 persona i kanë mbijetuar shembjes së ndërtesës.
Mediat ruse raportuan, se kanë filluar hetimet lidhur me atë se çfarë ka mundur të shkaktojë shembjen e ndërtesës.