Kësaj femre i frikësohen më së shumti xhihadistët (Foto)

Sulmet në ‘kryeqytetin’ e Shtetit Islamik, Raqqa, është duke i organizuar një femër. Emri i saj është Rojta Felat, kurse ajo tashmë ka filluar një mision të rrezikshëm, duke qenë në krye të një ushtrie prej 15.000 njerëzve të armatosur.

Rojda është komandante e njësive demokratike siriane (SDF), që përbëhen nga fuqi të kombinuara të kurdëve dhe rebelëve sirianë që luftojnë kundër ISIS-it, transmeton Telegrafi.

Trajnimet dhe pajisjet ushtarake të SDF që sot numëron rreth 15.000 luftëtarë, i kanë siguruar Shtetet e Bashkuara dhe partnerët e tyre. Rojda tash e tri vite është në krye të kësaj njësie, dhe qëllimi i saj është çlirimi i Sirisë nga shtypja dhe terrori i ISIS-it.

ISIS-3-1

“Brigada për çlirimin e Raqqa dhe njësia operative e kombinuar (CJTF) do të monitorojnë punën e SDF në çlirimin e qytetit. Kjo fushatë ka për qëllim parandalimin e sulmeve terroriste dhe të mbrojtjen e popullit tonë”, ka deklaruar Rojda për të përditshmen britanike The Independent.

Komandanten radikale Felat e kishin frymëzuar Bismarcku dhe Napoloni, por edhe Arin Merkin, një grua që hodhi vetën në erë vetëm dhe vetëm që të mos binte në duart e xhihadistëve, gjatë mbrojtjes së qytetit kurd Koban në vitin 2014.

Objektivi i saj kryesor është lufta kundër Shtetit Islamik, por Rojda nuk lufton vetëm kundër terrorizmit. Lufta e saj është e fokusuar edhe në përmirësimin e statusit të grave dhe të drejtave të tyre.

ISIS-2-1

“Qëllimi im është të çlirojmë gratë kurde dhe gratë në Siri nga kufizimet e shoqërisë tradicionale, por edhe të luftojë për çlirimin e Sirisë nga terrorizmi dhe tirania. Një prej qëllimeve të mia është edhe luftimi i të gjitha pengesave. Dua të theksoj se gratë nuk janë të dobëta, ato luajnë rol të rëndësishëm në formimin e një shoqërie”, ka deklaruar Rojda.

Para operacionit për çlirimin e qytetit Raqqa, komandantja Felat kishte marrë pjesë në betejat për çlirimin e krahinës Hasaka dhe qytetit Shadad. Operacioni që kishte zgjatur tri ditë, ishte një hakmarrje ndaj xhihadistëve që kishin shitur vajzat Yazidi në tregun lokal të qytetit Shadad.

ISIS-1-2-780x439

Megjithatë, Rojda Felat nuk është femra e vetme që lufton kundër Shtetit Islamik. Edhe pse numri i saktë nuk dihet, besohet se janë rreth 10.000 gra të marrin pjesë në luftën kundër ISIS-it.

Temat
BotëLajme

Të afërta