Njohësi i çështjeve të sigurisë, Burim Ramadani ka thënë se ushtria nuk themelohet në media, por në institucione.
Sipas tij, askush nuk e demantoi Stojanoviqin, i cili tha se ende janë kundër themelimit të Ushtrisë së Kosovës, transmeton Indeksonline.
Ramadani ka thotë se kjo i bjen që askush nga Qeveria (koalicioni) nuk i paska kërkuar Listës Serbe të votojë për Ushtrinë e Kosovës.
Ja postimi i plotë i Burim Ramadanit në Facebook:
“Ushtria nuk themelohet në media, por në institucione
Më shumë sesa një deklarim KUNDËR themelimit të Ushtrisë së Kosovës, zv/kryeministri Stojanoviq paska bërë të ditur diçka tjetër:
“Ne jemi në dispozicion të flasim, jo nëpërmes medieve siç po bëhet tani”, paska thënë zëvendësi i Mustafës.
Nëse kjo është e saktë, i bjen që askush nga Qeveria (koalicioni) nuk i paska kërkuar Listës Serbe të votojë për Ushtrinë e Kosovës!
Të paktën, askush nuk e demantoi Stojanoviqin.
“Çele gur gojën”!
As shefat e Qeverisë, as këta mbrojtësit partizanë të shefave, si Bajrami e Bardhyli, sepse të tjerë s’po shoh me muaj të tërë.
Njerëz,
Ushtria nuk themelohet në media. Nuk votohet nëpër televizione e portale.
Votohet në institucione.
Dhe, aty i ndani privilegjet pikërisht me këta që po thonë se nuk i keni kërkuar të votojnë për ushtrinë.
Vërtetë, s’po kuptoj!
Nuk është hiq telashe pse s’po kutpoj unë! Punë e madhe!
Por, po frikësohem që as ju vet s’jeni duke kuptuar as çka po doni dhe as çka (s’)po bëni!”, shkruan ai.
