Nesër, më 18 maj 2016 në orën 17:30, në fshatin Rimanishtë të Komunës së Prishtinës, mbahen homazhe për 17-vjetorin e rënies së Jahir Sylës. Shtëpia e Sylës në Rimanishtë ishte baza e Ushtrisë Çlirimtare të Kosovës në vitet 1998-1999.
“Ai ishte mbështetja jonë morale dhe materiale në periudhën çlirimtare. Ai qëndroi i paluhatshëm në rrugën çlirimtare deri në ditën e rënies heroike me 18 maj 1999”, thuhet në njoftimin e familjes Syla.
