Kryetari i Këshillit Kombëtar të Nisma për Kosovën, Jakup Krasniqi, së bashku me kryetarin e AAK-së, Ramush Haradinaj, paraditen e sotme kanë zhvilluar një takim me komisionarin, Johannes Hahn, ku është folur për zhvillimet politike në Kosovë, dhe rrugën evropiane të Kosovës, njofton një kumtesë e NISMË-s.
Siç thuhet në këtë komunikatë, në këtë takim, por edhe në tryezën e liderëve politikë, të ftuar nga komisionari, Johannes Hahn, gjatë ditës së sotme, kryetari i Këshillit Kombëtar të Nisma për Kosovën, Jakup Krasniqi, ka mbrojtur qëndrimin e Nisma për Kosovën, se çështja e demarkacionit duhet të ndahet nga procesi i liberalizimit të vizave.
“Në këtë takim është diskutuar edhe për dialogun me Serbinë, ku z. Krasniqi, ka mbrojtur qëndrimet e Nisma për Kosovën, rreth dialogut, për të cilin ka thënë se duhet të ndryshoj në formë dhe përmbajtje”, thuhet në këtë komunikatë.
Ndërsa, sa i përket krizës politike dhe idesë së presidentit për pastërtinë e institucioneve, Krasniqi ka thënë se pastrimi më i mirë i Parlamentit është mbajtja e zgjedhjeve të parakohshme parlamentare.
“Ndërsa në lidhje me korrupsionin në vend, z. Krasniqi ka thënë se korrups ioni nuk mund të luftohet nga ata që e kanë shkaktuar atë”, thuhet në fund.
