FIFA ka dhënë shpresa se Xherdan Shaqiri dhe Granit Xhaka mund të luanë për Kosovën.
E përditshmja zvicerane, SonntagsBlick ka kërkuar nga FIFA sqarim nëse lojtarët e përfaqësueses së tyre Granit Xhaka dhe Xherdan Shaqiri mund të luajnë për Kosovën.
FIFA i ka kthyer përgjigje duke i thënë se kërkesat e tilla i shqyrton Komiteti i Statutit të Lojtarit, duke i dhënë kështu shpresa Kosovës.
Pavarësisht kësaj, kryetari i Federatës Zvicerane, Peter Gilliéron ka thënë se nuk ka gjasa që lojtarët që kanë luajtur për Zvicrën, në një të ardhme të mund të luajnë edhe për Kosovën.
Xhaka e Shaqiri ende nuk janë deklaruar rreth të ardhmes së tyre në përfaqësuese, pasi janë të koncentruar në Euro 2016.