Kryetari i Komunës së Prishtinës Shpend Ahmeti, ka akuzuar ministrin e Financave dhe kryeministrin Mustafa për pengimin e blerjes së 51 autobusëve me kredi nga BERZHI.
Këto akuza Ahmeti i bëri përmes një postimi në Facebook, ku më pas ka thënë se këtë gjë ata po e bëjnë për inate.
Postimi i plotë:
Qe dhjetë muaj, Ministri i FInancave dhe Kryeministri Mustafa e pengojnë blerjen e 51 autobusëve me kredi nga BERZHI, përkundër faktit që ishte MF ajo që e nënshkroi kushtet bashkë me komunën dhe me BERZHIN.
Sipas ligjit për Ndërmarrje Publike ku ndërmarrja merr vendime të vlerave të mëdha nevojitet autorizimi i aksionarëve (dy nga Kuvendi i Komunës, dhe një nga Kryetari) të cilët këtë autorizim e kanë nënshkruar në tetor të vitit të kaluar.
Kërkesat ligjore janë përmbush, kushtet janë negociuar e nënshkruar, mbetet vetëm qeveria me e dërgu për votë në Kuvendin e Republikës. Për më shumë, garancionin prej 50,000 euro kanë kërku me e pagu Komuna gjë që po e bëjmë.
Kemi kërku me muaj letër që i referohet ndonjë ligji dhe neni për të thënë se ku është bllokada, kanë refuzuar. Qe një muaj kërkojmë takim trepalësh me BERZHin, kanë refuzuar. Nënkryetari Sejdiu i ka kërkuar debat publik në cilindo televizion dhe me cilindo moderator, nuk pranon. Për inate, e mbajnë peng një qytet të tërë.
Por jo edhe gjatë, sepse qytetarët nuk do të durojnë më!.
