Vendi ku u gjet koka e prerë e shqiptarit të masakruar në Greqi (Foto)

Policia greke është alarmuar nga krimi makabër i ndodhur në një zonë të pyllëzuar pranë Igumenicës, ku u gjet një 25-vjeçar shqiptar i vdekur, të cilit i ishte prerë koka.

Mediat greke raportojnë se trupi i pajetë u gjet pranë një ferme ku shqiptari punonte si bari, punë që e kishte nisur rreth 2 muaj më parë. Kurse koka e prerë ishte hedhur në vend tjetër dhe u gjet më vonë nga hetuesit grekë.

Në fotot e mëposhtme tregohet pikërisht vendi ku ishte hedhur koka e shqiptarit 25-vjeçar. Mënyra e ekzekutimit tregon që është një krim i rëndë dhe policia greke është angazhuar plotësisht për të mësuar identitetin e shqiptarit dhe shkaqet e ngjarjes.

Disa media lokale kanë raportuar se policia greke po mban kontakte me policinë shqiptare, pasi mendohet se personat që e kanë vrarë 25-vjeçarin duhet të jenë shqiptarë dhe mund të arratisen në Shqipëri.

Por, burime të SYRI.net nga Policia e Shtetit sqarojnë se deri më tani nuk kanë marrë asnjë sinjalizim apo njoftim nga Greqia për rastin në fjalë. Trupi i viktimës po i nënshtrohet ekspertizës, ndërkohë që pritet orët në vijim të mësohet edhe identiteti i tij.

Temat
LajmeRajon

Të afërta