Në më pak se një javë, Kuvendit të Kosovës do t’i shtohen dy deputetë të rinj, që të dy nga Partia Demokratike e Kosovës, e cila bashkëqeveris me vendin në koalicion paszgjedhor me LDK-në.
Javën e kaluar, deputeti i PDK-së, Azem Syla, ndaj të cilit kishte nisur një aksion për ta kapur atë si i dyshuar krim të organizuar, dha dorëheqje nga posti që mbante deri atëherë për t’u dorëzuar më pas në duart e forcave të rendit. Ndaj tij është caktuar masa prej 30 ditësh paraburgim.
Karrigen e tij të Kuvendit do ta zë ish-kryetari i Komunës së Lipjanit, Shukri Buja.
Me këtë vendim, edhe një ulëse deputeti do të mbetet e zbrazët, për aq kohë sa në të nuk do të ulet ish-deputeti i legjislaturës së kaluar, Fatmir Xhelili.
Xhelili ka shërbyer edhe si zëvendësministër i Punëve të Brendshme të Kosovës.