Lëvizja Vetëvendosje dhe Bashkimi Demokratik (BD), i Zafir Berishës, kanë formuar bllokun opozitar në Prizren.
Marrëveshja është nënshkruar në prezencë të nënkryetarit të LVV-së, Driton Çaushi, deputetit Mytaher Haskuka si dhe zyrtarëve të Bashkimit Demokratik.
Zyrtari i VV-së Arbër Rexhaj tha se këto dy subjekte politike do të veprojnë si fuqi opozitare në këtë qytet.
Shef i Grupit të Kuvendarëve të BD-së, Skender Susuri tha se kjo marrëveshje është filozofi e re e vendimmarrjes në komunën e Prizrenit.
“Ne synojmë të jemi në radhë të parë edhe zëri i qytetarëve prizrenas në organin më të lartë legjislativ në komunë”, tha Susuri.
Susuri, tregoi se bisedime për t’iu bashkuar këtij blloku kanë pasur edhe me zyrtarë dhe kuvendarë të LDK-së, partisë më të madhe opozitare për nga numrat në Kuvend, por nuk është gjetur një gjuhë e përbashkët për këtë çështje./PrizrenPress.com/