Tare e dëshiron me çdo kusht De Biasin

Drejtori sportiv i Lazios, Igli Tare, është takuar fshehurazi me trajnerin e Kombëtares së Shqipërisë, Gianni De Biasi, për bashkëpunim në të ardhmen, kanë raportuar mediumet në Itali.
Igli TARE (D.S. Lazio) (Foto Bartoletti)

Drejtori sportiv i Lazios, Igli Tare, është takuar fshehurazi me trajnerin e Kombëtares së Shqipërisë, Gianni De Biasi, për bashkëpunim në të ardhmen, kanë raportuar mediumet në Itali.

Por, i menjëhershëm ka qenë reagimi i De Biasit, që ka mohuar të jetë takuar me Taren. Ai ka thënë se fokusi i tij është evropiani që zhvillohet në Francë. De Biasi udhëhoqi Shqipërinë drejt këtij suksesi historik, përcjell Koha Ditore.

“Taren nuk e kam thirrur e as nuk e kam parë qe një vit”, ka thënë De Biasi për “Cittaceleste”.

“Unë kam marrëdhënie të mira me Igli Tare, por e përsëris se nuk jam takuar e as dëgjuar që një vit dhe jam i fokusuar vetëm për Kampionatin evropian. Unë nuk mund të flas për një gjë që nuk ekziston, por nëse një thirrje vjen nga presidenti Lotito, atëherë ne do të flasim. Nuk ka diçka që të diskutohet në këtë moment”, ka theksuar De Biasi.

Trajneri De Biasi në të kaluarën ka punuar për disa skuadra italiane si Udinese, Torino, Brescia, Modena, Carpi, Vicenza dhe disa të tjera. Ka punuar edhe te Levante në Spanjë. Drejtimin e Kombëtares së Shqipërisë e ka marrë në vitin 2011.

Temat
RajonSport

Të afërta