Historia e këtij 23-vjeçari i ka habitur të gjithë dhe ka shkaktuar mjaft polemika ditën e sotme në emisionin “La Bomba” në Radio DeeJay në Itali. Bëhet fjalë për Alon, një 23 vjeçar nga Kalabria i cili pasi u fejua me një 19-vjeçare e la shtatzënë atë. Për shkak të një shoku psikologjik që i kishte shkaktuar gjithë situata, ai vendos që të ndërpresë marrëdhënien.
Por, nuk e kishte menduar që do të gjente ngushëllim tek mamaja e saj, pasi kjo e fundit i afrohet për të kuptuar arsyen se pse u nda me vajzën.
Në këtë moment, gjërat shkojnë shumë larg dhe ai përfundon duke kryer marrëdhënie me mamanë e ish-të fejuarës.
Për fatin e tij të keq ajo ngel shtatzënë. Depresioni dhe frika e djalit nuk kaluan pa u vënë re në sytë e tezes të të fejuarës që u përpoq ta ngushëllojë në të gjitha mënyrat, derisa përfunduan së bashku në shtrat. Problemi është se këtë herë edhe ajo mbeti shtatzënë.
I dëshpëruar nga e gjithë kjo situatë, ai vendos që të shkojë shumë larg dhe e gjen veten në një vilë larg fshatit, ku takon motrën e “ish-të dashurës” 17 vjeçe.
Pasi i tregon historinë, përfundon në shtrat me të dhe drama nuk mbaron këtu, kur dhe ajo ngel shtatzënë.
Historia e treguar sot ka hapur shumë diskutim dhe sipas mediave italiane mendohet që ajo i përket një postimi të 2015 nga një blog që diskuton tema tradhtish.
