Ja me kë ka festuar Ramiz Lladrovci pas vendimit për stadium

Edhe pse ishte paralajmëruar që nga vjet, se stadiumi olimpik do të ndërtohet në Drenas, që nga sot, mori konfirmim nga Qeveria. Me këtë rast, më i lumturi duket...

Edhe pse ishte paralajmëruar që nga vjet, se stadiumi olimpik do të ndërtohet në Drenas, që nga sot, mori konfirmim nga Qeveria. Me këtë rast, më i lumturi duket të ketë qenë Kryetari i Drenasit, i cili këtë lajm e festoi duke pirë kafe me deputetin Daut Haradinaj.

Ja postimi i plotë i Ramiz Lladrovcit në rrjetin social:

“Vendimi i sotëm i Qeverisë për stadiumin, është lajm i mirë për Drenasin, Drenicën dhe krejt Kosovën. Stadiumi nacional i paralajmëruar nga Z. Kadri Veseli nga viti i kaluar se do të bëhet në Drenas, tashmë mori rrugën e mbarë.

Faleminderit të gjithë kontribuuesve, në veçanti Kryeministrit Haradinaj dhe Kabinetin qeveritar, të cilët mirëpritën dhe miratuan propozimin e ministrit Kujtim Gashi që Stadiumi nacional të ndërtohet në Drenas.

Këtë gëzim timin personal por edhe të krejt Drenicës, sot e ndava me Daut Haradinajn, në kujtim të të gjithë atyre që me jetë e veprën e vet, i kontribuuan lirisë tonë, ndërsa sot, angazhimit institucional për sundimin e ligjit dhe përparimin e Kosovës.

Faleminderit dhe gëzuar qytetarë të Drenasit, Drenicës dhe krejt Kosovës, Stadiumi nacional!”

Temat
LajmeVend

Të afërta