Në pikun e sezonit turistik veror, plazhet e Velipojës dhe Shëngjinit janë populluar më së shumti me pushues nga Kosova, të cilët pëlqejnë cilësinë e rërës dhe ujit dhe çmimet më të lira se në plazhet e tjera të Shqipërisë dhe rajonit.
Megjithatë, pushuesit shprehen se nevojitet të punohet më shumë për pastërtinë, sigurinë në plazh si dhe menaxhimin e hotelerisë, raporton Zëri i Amerikës.
Turizmi bregdetar në Shqipëri është një sektor në rritje, që sjell të ardhura të konsiderueshme për ekonominë e vendit, por vazhdon të vuajë nivele të larta informaliteti.
