Yjet e Kombëtares mbështesin “Ballistin” (Foto)

Mërgim Mavraj, Armando Sadiku e Ansi Agolli kanë kërkuar liri për Ismail Morinën – “Ballistin”

Lojtarët e Kombëtares shqiptare, Mërgim Mavraj, Armando Sadiku e Ansi Agolli, nëpërmjet Facebook-ut kanë reaguar pas njoftimeve se Kroacia mund ta ekstradoj Ismail Morinën në Serbi.

Yjet e ekipit kuqezi kanë kërkuar nga autoritetet shqiptare që të ndërhyjnë për të zgjidhur sa më shpejt këtë problem, përcjell Express.

Në vazhdim mund ta lexoni postimi e Mavrajt, Agollit e Sadikut, i cili përmban tekstin e njëjte

Sot, më shumë se kurrë jemi bashkë, me një dëshirë e një qëllim, duke reaguar ndaj vendimit të gjykatës kroate për ekstradimin e Ismail Morinës.

E konsiderojmë një veprim absurd dënimin e një tifozi, i cili shprehu në një mënyrë origjinale mbështetjen e skuadrës.

I qëndrojmë pranë Ballistit, e nxisim autoritetet shqiptare që të ndërhyjnë për të zgjidhur sa më shpejt këtë problem. Të gjithë për një!#LiriPërismailMorinën

Temat
RajonSport

Të afërta