Po shtohen gjithnjë e më shumë njerëzit e famshëm që po heqin dorë nga përdorimi i shamponit të flokëve. Në vend të saj, zgjedhin të përdorin përbërës natyral.
Mes tyre, më të vendosurat janë Amanda Seyfried, Adele dhe Gwyneth Paltrow.
Krehja voluminoze e Adele dhe flokët e gjatë e të shndritshëm të Amanda Seyfried dhe Gwyneth Paltrow e kanë një sekret.
Pas ‘kokave’ më të famshme të ekranit ka një moto: zero shampon!
Tendenca quhet “NO Poo” dhe në kohët e fundit po i bashkohen njerëz gjithnjë e më shumë, shkruan Living.
Jo vetëm blogeret e bukurisë por edhe yjet e ekranit kanë vendosur të përdorin sodën e bukës në vend të kimikateve të shampove.
Edhe aktori Brad Pitt i është bashkuar kësaj metode natyrale duke deklaruar se preferon të mos përdorë toksinat e shampoos që dëmtojnë jo vetëm lëkurën por edhe ambientin.
Alternativat për të zëvendësuar shampon janë disa; që nga soda e bukës, uthulla e mollës, vaji i kokosit që mund të shërbejë si krem zbutës etj.
Të gjitha zgjedhjet bëhen varësisht llojit të flokëve.