Ahmeti: Me përcaktimet e BDI-së përfiton e gjithë shoqëria

Kryetari i Bashkimit Demokratik për Integrim (BDI), Ali Ahmeti ka takuar ambasadorin e Shqipërisë në Maqedoni Fatos Reka, me të cilin ka biseduar për zhvillimet politike në vend dhe rajon si dhe për situatën në Maqedoni pas zgjedhjeve të 11 dhjetorit, njoftoi BDI përmes një komunikate.

“Ahmeti dhe ambasadori Reka bashkëbiseduan për zhvillimet politike në vend dhe rajon si dhe pas zgjedhjeve të 11 dhjetorit.

Ahmeti theksoi që deklarata e partive politike shqiptare është produkt i përbashkët nga platformat tona zgjedhore dhe shprehu mirënjohje për inkurajimin e sinqertë dhe konstruktiv të Tiranës dhe Prishtinës për këtë arritje vendore.

Ahmeti njohtoi ambasadorin Reka që po vijon konsultimet intensive me organet partiake, me intelektual dhe përfaqësues të shoqërisë civile si dhe me komunitetin ndërkombëtar në baza ditore.

Ai theksoi insistimin e BDI-së mbi përcaktimet e veta për arsye se realizimi i tyre është përfitues për gjithë shoqërinë dhe paraqet përmbyllje të obligimeve normative nga Marrëveshja e Ohrit si dhe zbatim të pritshmërive të partnerëve tanë në BE dhe NATO”, kumtoi BDI pas takimit.

Temat
Rajon

Të afërta