Publikohet traileri i filmit “The Zookeepers Wife”, pjesë e të cilit është aktori shqiptar Val Maloku (Video)

Kinematografia shqiptare gjithmonë ka korrur sukses jashtë vendit, dhe këtë gjë më së miri po e dëshmojnë edhe talentët e rinjë, të cilët çdo ditë e më shumë po bëhen pjesë e projekte hollivudiane.

Një ndër këta talentë është edhe Val Maloku, i cili edhe pse i vogël, ka arritur të dëshmojë më së miri aftësitë e tij në aktrim, duke qenë pjesë e një prej filmave të njohur në Kosovë si “Babai” me regji të Visar Morinës.

Vitin e kaluar ai është shpërblyer edhe me çmimin për aktorin më të mirë në Festivalin e Filmit në Zarë të Kroacisë, gjersa në publikun shqiptar është i njohur edhe si djali i prezantuesit Valon Maloku.

Ai ka arritur të jetë një nga protagonistët e filmit “The Zookeepers Wife”, i cili pritet të publikohet më datë 31 mars të vitit 2017.

Në këtë film nuk do të mungojnë as emra të njohur nga fusha e aktrimit si Jessica Chastain apo Daniel Bruhl që ka luajtur në filmat e famshëm “Rush” dhe”Inglorious Basterds”, gjersa regjisor i filmit është Niki Caro, një nga më të famshmit në Hollywood.

“The Zookeepers Wife” flet për dy individë të cilët në Kopshtin Zoologjik në Varshavë shpëtojnë shumë jetëra njerëzish përgjatë invazionit nga Nazistët.

Val Maloku do të luajë në këtë film rolin e një djaloshi të ri me emrin Ryszard Żabiński, teksa në kanalin YouTube është publikuar edhe traileri i filmit.

kopertina

Temat
Art

Të afërta

  • Bujarija dhe Refugjatët: Kosovarët në Mërgim

    Bujaria dhe Refugjatët: Kosovarët në Ekzil (Brill, Maj 2018) është një vepër historie që studion kontekstet politike dhe sociale që refugjatët Kosovarë i ndeshën kur lëshuan atdheun e tyre...
  • Ilir Shaqiri promovon librin “Adem Jashari”

    Shumë këngë ia kushtoi Adem Jasharit. E për komandantin legjendar, Ilir Shaqiri shkroi edhe libër. Të hënën në akademinë letrare të organizuar nga lidhja e shkrimtarëve ky promovoi poemën...
  • Vdes këngëtari Nijazi Bytyqi

    Muzikës shqiptare iu largua nga kjo botë një këngëtar i njohur. Bëhet fjalë për këngëtarin Nijazi Bytyqi, i cili ndërroi jetë në moshën 72 vjeçare, shkruan lajmi. Bytyqi ishte...
  • Shuhet aktori i njohur shqiptar!

    Ka ndërruar jetë në moshën 66-vjeçare si pasojë e një sëmundjeje të rëndë aktori dhe regjisori i njohur shqiptar, Lisenko Malaj. Vitet e fundit ai ka jetuar në Itali....